最近閱讀（其實係聽讀）了一本名為《紅色輪盤》的書。那是由一位香港人沈楝撰寫，內容有關佢點樣同內地政權打交道以及做生意嘅經歷。我唔會喺度作出太多「劇透」，有興趣嘅可自行閱讀，誠意推介大家先download Audible，然後響試用期免費下載呢本書，如果每日花大約一個小時聽嘅話，基礎上個零禮拜就可以完成。
成本書大約係講一位由內地輾轉嚟到香港嘅一個家庭故事，當中當然涉及整個中共嘅歷史例如文革時代、毛澤東時期、鄧小平改革開放、六四事件、一直去到胡溫年代以及最後習近平年代。書中除咗引述作者點樣去抓緊中國發展嘅機遇致富以及點樣同中國有權有勢嘅人打交道建立關係之外，更揭露中共政府好多不為人知嘅操作系統。
作者嘅第一身經歷，令到我哋更加了解整個共產黨集團嘅運作，不同嘅人物關係，甚至讓我地更加清楚一啲廣為人知事件背後一啲鮮為人知嘅真相。整本書並沒有給我一個「反共」嘅傾向，反而好多時間係事實嘅論述，俾到讀者有更多嘅空間去思想以及判斷當中事情嘅對錯，作者所行嘅每一步，整個「棋局」嘅佈陣，反映咗當時甚至現在內地對國際關係甚至內部矛盾所作出嘅不同對策，更令我哋認識到政策背後不同持份者嘅想法以及內地不同政策所推出嘅原因。
令到我感到驚訝嘅係，內地嘅金字塔式精英管理制比資本主義社會更資本主義，完全自我中心利益至上，嗰啲咩所謂「為人民服務」全屬幌子，到最後還不是自身利益重要。有權有勢或者有辦法可以跟權勢取得聯繫建立關係嘅人，永遠能夠保持響權力核心嘅頂層。一切嘅爾虞我詐，同一般百姓完全無關，只係頂層權力嘅角力，黨派嘅鬥爭。社會嘅歌舞升平通通都係假嘅，為咗鞏固黨嘅領導權力，無所不作，甚至無惡不作。欺詐、誣蔑、捏造、莫須有等等，總之就鬥過你死我活，為了得到打無上的權力，尤其是改革開放之後，十個有九個見錢開眼，毫無人性。
文中提到建立關係時候所用嘅方法，令我覺得完全泯滅人性，你可以說作者當時迷失、又或者被欺瞞、又或者是人性貪婪的本質。直到他醒覺的時候，可能已經助紂為虐，在那段期間成了一丘之貉。當自己以為在參與歷史上something big的一部份，現實上卻是協助了一代暴政。出書是為了自我救贖，還是真的如他所說為兒子解釋母親「被失蹤」的原因及來龍去脈，相信也只有他自己才心裏明白。
作為香港人，作者亦都有提到香港於2014年雨傘運動時候香港政府嘅應對，係如何受到內地決策嘅影響，甚至內地如何透過香港嘅一啲與內地關係密切的團體去影響整個政局，若然屬實（至少我信了），那香港其實一早已經與內地接軌，只是眾多韭菜田的一蹶，只係因為生長過快，又不願意躺平，要快啲將之宰割罷了。這令我更加了解過去兩年香港的社運，為何受到全方位的打壓，其實根本就唔係共產黨怕咗香港，只係篤眼篤鼻，阻手阻腳而已。
到最後，這個所謂的紅色輪盤，講到尾，就只係一公我贏，字你輸的世紀大騙局。
首頁
